Lơ 12/1, ta Nkual ƀon têh Hồ Chí Minh hŏ geh nar tâm nchră lý luận tal 18 đah bar Đảng Cộng sản Việt Nam ndrel Đảng Cộng sản Trung Quốc đah nkô̆ “Nau tă blau ndrel ntrong kan n’hao nau mât ntŭk ntu gŭ rêh tâm nau ndâk, ƀư ueh neh dak”. Tâm nchră Lý luận tal 18 hŏ geh ƀư tâm rnôk nau tâm boh bar Đảng, bar dak lŏ geh nau dơi hun hao ueh, rjăp, geh dơi âk nau tâm nau kan, bar dak mhe nkah 15 năm ndâk nau tâm boh kan nsum ăp ntil. Tâm rnôk tâm nchră, bar Kruanh n’gâng kan lah rjăp nau khlay bah nau n’hao tâm nchră lý luận đah bar Đảng tâm rnôk mhe, ân lah aơ lah rnôk gay bar ding ndrel tâm nchră.

Tâm mbơh nkoch ăp nau dơi lý luận ndrel nau blau nau kan rnôk ƀư ngăn khlay bah bar Đảng tâm nau kan ndrel nau ƀư ngăn ăp nau ntrŭnh, ntrong kan tât nau mât ntŭk ntu gŭ âm, ueh mhe ntŭk ntu, ngăn lah tâm rnôk ntrŭt dăng nau rgâl mhe ăp ntil ndrel hun hao neh dak. Tâm nchră kŏ rgop nau ƀư ueh lơn tay nau tâm boh kan nsum ăp ntil Việt Nam-Trung Quốc. Tâm nau tâm nchră, ăp ntoh măt bar ding mbơh nau kan ngăn ndrel nau blau bah ăp ding, lăp jru tâm nchră, tâm nkoch nau đah ăp nau kan geh nau dơi kŏ kơt lah nau hôm kol, nau ê dơi tâm nau mât ntŭk ntu./.