Nar 24/3, ta n'gor Dak Lak, Bộ Giáo dục n'hanh Đào tạo ƀư Tâm nchră hun hao ntĭm nti nkual Tây Nguyên tât năm 2030 uănh ngai tât năm 2045. Tĭng uănh năl ta rơh tâm nchră, săk blău ntĭm nti phổ thông ta Tây Nguyên dôl mbrơi tât đah rĭng săk blău lam dak. Rmôt nai ntĭm n'hanh cán bộ mât bôk kan ntĭm nti dơi uănh khlay ntuh kơl, hao lĕ mpeh rnoh âk n'hanh săk blău, tĭng kơn tŏng đah nău ŭch geh rgâl mhe ntĭm nti.

Yơn lah, tĭng ăp nuĭh, ăp nău rgâl bah ntĭm nti nkual Tây Nguyên uănh nsum hôm mbrơi, mô hŏ tŏng đah nău ŭch geh hun hao wăng sa- rêh jêng kon nuĭh; săk blău tơm nuĭh kan mô hŏ âk n'hanh hôm âk ntul rlong. N'glôch jêh tâm nchră, wa Nguyễn Kim Sơn, Bộ trưởng Bộ Giáo dục - Đào tạo dăn đă, let năp tay, ăp n'gor tâm nkual kơi năp nti; n'hao nău săk blău tay rmôt kan ntĭm nti; dăp rgum nhih nti, jrô nti tâm di lơn; rgum tơm ndơ bah lam rêh jêng kon nuĭh an ntĭm nti, n'hao săk blău, dŏng geh nău tam tơm ndơ, lơn lah tơm ndơ ƀon lan rnoi mpôl đê̆ ta ntŭk, nkre đah nău ŭch geh hun hao wăng sa- rêh jêng kon nuĭh.