Ôi 6/9, Đảng uỷ Công an Trung ương, Ban Biên tập Tạp chí Cộng sản n’hanh Nhà xuất bản Chính trị quốc gia Sự thật ƀư tâm nchră đah nkô̆ “Nău tâm rŏng bah cán bộ, tahen Công an ƀon lan đah Tổng Bí thư Nguyễn Phú Trọng”. Tâm nchră dơi ƀư ta Hà Nội n’hanh pơk sŏng dăng tât 66 bôk ƀoh ăp đơn vị, Công an gưl n’gor, 228 bôk ƀoh Công an gưl nkuâl đah rlău 7 rbăn nuĭh râng.

Lah ta rnôk tâm nchră, Tổng Biên tập Tạp chí Cộng sản Lê Hải Bình lah rjăp, Tổng Bí thư Nguyễn Phú Trọng way rong an nău uănh khlay mha êng rđău đă đah mpôl Công an ƀon lan. Ăp nău nchrăp lor dăn đă ta rnôk tâm nchră rgum ƀư kloh ăp nău rgop têh kuâng bah Tổng Bí thư Nguyễn Phú Trọng đah n’gâng kan cách mạng bah Đảng n’hanh rnoi nuĭh he; Nău mât uănh jru hvi bah Tổng Bí thư Nguyễn Phú Trọng đah mpôl Công an ƀon  lan, nău rŏng bah ƀon lan tahen lam dak lah nsum n’hanh mpôl Công an ƀon lan lah êng đah Tổng Bí thư Nguyễn Phú Trọng.