VOV4.M'nông: Ôi 11/5, ta Hà Nội, ƀư Tâm nchră  “Ntŭk gŭ trôm mạng n'hanh nău dơn mât njrăng mpêr n'har văn hóa nău mĭn bah mom ndăm”. Tâm nchră nthoi ƀoh tât 63 bôk ƀoh bah ăp n'gor, Thành đoàn tâm lam dak. Tâm nchră, ăp nuĭh rgum uănh tay mpeh nău ring tam bah ntŭk gŭ rêh trôm mạng, ăp ndơ rhŏ dŏng rloh rlău n'har bri đah nău dơn kan mât njrăng mpêr n'har văn hoá nău mĭn tâm rơh aƀaơ.

Lah ta rơh tâm nchră, Kruanh Ban Tuyên giáo Trung ương Nguyễn Trọng Nghĩa đă ăp gưl bộ Đoàn ân ndăn lĕ nău dơi geh dơh uĕh bah ntŭk gŭ rêh trôm mạng, rnôk rgâl mbrô gay n'hao nău gĭt êng bah rơh kơn mom ndăm mpeh nău way ơm kăl e, ăp rnoh khlay văn hoá uĕh êng, săk ntơr êng bah rnoi nuĭh tâm ban kơt ntŭk gŭ kan, nău khlay kan văn hoá đah rnôk hun hao neh dak. Mpôl kan Đoàn ân rgum gŭ mĭn, ntrŏng năl ăp trong nkra ntop kơl druh ndăm ntơm njêng nău kan rgâl mhe ta ăp trong kan văn hóa; leo ƀư, ntuh kơl, ntop kơl ăp rơh tâm rlong, trong nchrăp ntơm njêng nău kan mpeh văn hoá, ăp nău mĭn, ndơ geh ƀư văn hoá rnoh khlay âk, geh suang rêng lam têh hvi tâm druh ndăm rchong kon se jê̆./.

Nuĭh rblang: Điểu Thân