Di nkah 94 năm nar ndâk Công đoàn Việt Nam, kêng măng 28/7, ta Ngih kan Quốc hội hŏ geh nar tâm nchră Nŭih pah kan năm 2023 đah nkô̆ “ƀư jêh nau kan, pháp luật geh tât nŭih pah kan ndrel nau ƀư Công đoàn”. Kruanh Quốc hội Vương Đình Huệ ƀư tơm nar tâm nchră. Nau tâm nchră geh nau râng bah klăp 500 ntoh măt ân công nhân, nŭih pah kan lam dak. Aơ lah nau kan bah Tổng Liên đoàn Việt Nam ndrel Văn phòng Quốc hội tâm rgop ƀư.

Nau tâm nchră lah rnôk ma đoàn viên công đoàn, nŭih pah kan tâm lam dak ntoh nau mĭn, nau ŭch, nau đă bah Quốc hội, rđau kan Quốc hội mpeh nau ntrŭnh, pháp luật geh tât nŭih pah kan ndrel nau kan công đoàn; đă nau mĭn, ntrong kan gay ntrŭt dăng hun hao văng sa, rêh jêng, ƀư jêh ăp nkô̆ nau, nau kan năm 2023 ndrel năm kan 2021-2026, rgop nau n’hao nau rêh ƀon lan ndrel ƀư geh nau ŭch rnoi mpôl đăp mpăn ueh lăng./.