Ôi aơ 31/7, Thủ tướng Chính phủ Phạm Minh Chính ƀư tơm rơh tâm nchră pơk sŏng dăng lam dak  an ƀư dăp rgum n’har neh gưl nkuâl, gưl xã lvang năm 2023 – 2030. Lôch rnôk djăt ăp nău rgop, lah n’glôch jêh rơh pah kan Thủ tướng Phạm Minh Chính lah rjăp, dăp rgum n’har neh gưl nkuâl, gưl xã kơl rgum  tơm ndơ, n’hao săk geh, dơh uĕh, nta trong dơh ntô̆ n’hao tơm săk geh neh ntu, bri dak, tơm nuĭh kan n’hanh wăch rgum nuĭh ntuh kơl.

Tâm let năp tay Thủ tướng đă rgum rđău kan, nchŏng đă du đêt nău dơn kan rgum tơm khlay tâm nê nchŏng kloh, rgum ƀư jăp pah kan nkoch trêng, nta trong dơh tâm ban dơn ngoăy âk nău gĭt, nău du nuih n’hâm tâm ăp rơh kơn ƀon lan ta ntŭk, ân tĭng ƀư ăp tŏng rêng, di na nê̆, rôih dăng rgŏ jă, njêng nău tâm ban âk lam trong kan chính trị, nău ŭch kơl bah ƀon lan ân geh nău lăp kan grêt dêh, dơn kan n’hanh kan nsum lhăt bah ăp n’gâng kan, bah Trung ương n’hanh n’gor, lơn lah gưl ủy, n’gâng kan ta ăp n’gor tĭng ƀư dăp rgum./.