Ta nhih pah kan Chính phủ, Groi Thủ tướng Chính phủ Trần Lưu Quang ƀư tơm tâm nchră pơk sŏng dăng lam dak sơ kết pah kan mât đăp mpăn hăn ntung trong quý 1, an ƀư trong rƀŏng nău dơn kan quý 2. Tâm quý 1 lam dak geh 2 rbăn 346 tơ̆ tâm tom ndeh, lơh rlău 1 rbăn 400 nuĭh khĭt, rmanh rlău 1 rbăn 500 nuĭh; rđĭl đah  ndrel  khay dja năm e nơh tâm tom ndeh hŭch lĕ mpeh 3 rnoh âk, rnoh nuĭh khĭt n'hanh nuĭh rmanh.

Geh 14 n'gor hŭch rlău 40% rnoh nuĭh khĭt lah: Đà Nẵng, Dak Nông, Long An, Cần Thơ, Thái Nguyên, Phú Thọ, Bắc Giang, Điện Biên, Lai Châu…Yơn lah hôm 16 n'gor geh rnoh nuĭh khĭt tă bah tâm tom ndeh hao rđĭl đah ndrel khay dja năm e nơh đŏng. N'glôch jêh tâm nchră, Groi Thủ tướng Trần Lưu Quang dăn đă, tâm let năp tay rlău ma nău lăp kan bah ăp n'gâng kan, ăp n'gor ân ntrôl dăng pah kan nkoch trêng gay n'hao nău gĭt êng  bah nuĭh ƀon lan râng hăn ntung trong n'hanh đăp mpăn rĭng uĕh hăn ntung trong.