Ôi ntri (13/11), ta Hà Nội hŏ ƀư tâm nchră tâm boh wăng sa đah 5 n’gor, nkual ƀon têh lah Hà Nội, Hải Phòng, Quảng Ninh, Lào Cai (Việt Nam) n’hanh Vân Nam (Trung Quốc) tâl 10; rgum rlău 200 nuĭh ntơh măt tâm nchră mpeh way nkô̆ ntuh kơl, tăch rgâl; Văn hóa, dak si, ntĭm nti, pâl nđaih; ntung trong nchuăn rdeng, logistic.

Aơ dơi uănh lah nău kan tâm boh dak bah dih têh bah nkual ƀon têh Hà Nội tâm rnôk Việt Nam n’hanh Trung Quốc hŏ n’hanh dôl nsrôih an ƀư nău mbơh nsum Việt Nam - Trung Quốc lôch hăn khâl bah Tổng Bí thư Nguyễn Phú Trọng n’hanh nkah ndray 15 năm njêng tâm boh têh jong lam lĕ rngôch tâm năm 2023. Ta tâm nchră ƀư ký ton siƀŭt tâm nchră, ký ton tâm boh đah ăp ding, nkre uănh năl tay nău tĭng ƀư ăp nkô̆ tâm boh tâm siƀŭt tâm nchră tâl 9, nchră trong ƀư gay tĭng ƀư geh nău  tam ăp nkô̆ tâm boh tâm let năp tay, rgop ntrŭt ntrôl hun hao wăng sa bah ăp n’gor kan nsum n’hanh tâm boh nsĭt geh an ăp ding tâm trong wăng sa soih aih./.