VOV4.M'nông: Groi Thủ tướng Chính phủ Lê Văn Thành hŏ ký nău n'glêh an tâm pă rnoh Dăp rgum dŏng neh lam dak rơh năm 2021 - 2030, uănh ngai tât năm 2050, Trong nchrăp dŏng neh lam dak 5 năm 2021-2025. Na nê̆, tâm pă rnoh dăp rgum dŏng neh rơh năm 2021- 2030, trong nchrăp dŏng neh lam dak 5 năm 2021-2025 an ăp n'gor, nkual ƀon têh mpeh Trung ương, Bộ Quốc phòng, Bộ Công an. Nsing tâm rnoh dăp rgum, trong nchrăp tâm pă dŏng neh, Bộ trưởng Bộ Quốc phòng, Bộ trưởng Bộ Công an kan nsum đah Ủy ban nhân dân gưl n'gor ndăn ngăch ƀư lôch jêh dăp rgum dŏng neh njrăng n'gang neh dak, rnă njrăng rơh 2021- 2030. Ủy ban nhân dân gưl n'gor ndăn ngăch ƀư lôch jêh njêng trong dăp rgum dŏng neh n'gor rơh năm 2021- 2030, njêng trong dŏng neh 5 năm 2021-2025 gưl n'gor; njêng n'hanh dăp rgum dŏng neh gưl nkuâl rơh năm 2021-2030; ăp n'gâng kan, ndăn ƀư lôch jêh nău njêng dăp rgum dŏng neh lam dak, dăp rgum dŏng neh nkual, dăp rgum dŏng neh nkual ƀon têh, dăp rgum dŏng neh tâm ƀon lan, dăp rgum dŏng neh kỹ thuật, way n'gâng kan geh tât dŏng neh đăp mpăn tĭng rnoh dŏng neh, ăp kôp, dơn ngoăy đah dăp rgum, trong nchrăp dŏng neh gưl neh dak./.

Nuĭh rblang: Điểu Thân