Ôi 26/2, mpôl kan dơi kan n’gor Kon Tum dôl ôp uănh, ƀư kloh tay rơh tâm tom ndeh hô geh tâm măng nar 25/2 ta trong Hồ Chí Minh ƀư 2 hê nuĭh khĭt.

 Tĭng nău lư bah Ban đăp mpăn hăn ntung trong Kon Tum, nklăp 21h00 nar 25/2, ta trong Hồ Chí Minh, gâl hăn rlău thôn 4, xã Diên Bình, nkuâl Đăk Tô, ndeh ô tô kon biển số 82A-09582 tă bah Nguyễn Văn Du (44 năm deh), gŭ ta xã Sa Sơn, nkuâl Sa Thầy, n’gor Kon Tum ƀĭt ta ndeh geh 3 nuĭh hăn bah nkuâl Đăk Tô hăn nkuâl Đăk Hà. Rnôk hăn  tât  Km1518+100, ndeh ô tô tâm tom đah ndeh honda biển số 82F1-03391 tă  bah A Thuê (20 năm deh) rdeng A Thom (14 năm  deh) ndrel gŭ ta thôn Đăk Kang Pêng, xã Diên Bình, nkuâl Đăk Tô, hăn rlơ̆ tay. Rơh tâm tom ƀư A Thuê n’hanh A Thom khĭt ta ntŭk, bar bôk ndeh khuch hô.  Tăng geh nău mbơh, mpôl kan dơi kan ngăch hăn tât ntŭk geh tâm tom mât đăp mpăn hăn ntung trong, nkre an ƀư nău ôp uănh nkô̆ jêng tât geh nău tâm tom./.