VOV4.M’nông: Dak Lak dôl lah tnŭk geh srê Covid-19 âk ngăn tâm Tây Nguyên đah rnoh ntưp hao tât 36.200 nŭih, tâm nê geh 2.153 nŭih mhe geh kơp dơn tâm lơ 28/2. Tâm nkuăl ƀon têh Buôn Ma Thuột, ntŭk geh srê ntoh ngăch ngăn bah n’gor, Kruanh UBND nkuăl ƀon têh geh nau ntrŭnh đă ndal, đă ntơm lơ 1/3, ăp ngih săm ƀŭt ân nsrŭng nau ntĭm nti ntơm jrâu 1-12, ntrơn nti trực tuyến.

Tĭng nau ntrŭnh aơ, rnoh ntưp srê Covid-19 tâm nkuăl ƀon têh dôl hao âk, rnoh F0 săm tâm ngih geh tât 995, ri ma nau nsrŭng ntĭm nti lah nau nchrâp gay ma der nau ntưp rêng srê. Ta Lâm Đồng hôm mât nau ntưp ntơm 700-800 nŭih du nar. Tât lơ 28/2, ăp xã, phường bah nkuăl ƀon têh Đà Lạt ndrel nkuăl Đơn Dương hŏ nkuăl màu êr. Bah năp nau tât srê kơt aơ, ntơm lơ 28/2, kon se mầm non tâm nkuăl ƀon têh mô hôm nti tâm ngih săm ƀŭt, kon se ntơm jrâu 1-6 nti trực tuyến ndrel nau ntĭm nti êng êng./.

Nŭih rblang: H’Thi