Ndrel đah lam dak, ta nkual Tây Nguyên, nău ntrôl dăng kơt nti n’hanh ƀư tĭng nău mĭn, nuih n’hâm, trong gŭ rêh Hồ Chí Minh lah ngoăy tâm ăp nău dơn kan tơm khlay.  Yuh HGiang Niê, Bí thư tỉnh Đoàn Dak Lak an gĭt: lôch an ƀư, tât aƀaơ, ăp nkô̆ kơt nti n’hanh ƀư tĭng nău mĭn, nuih n’hâm, trong gŭ rêh bah Wa hŏ nsĭt tay nău dơi âk, njêng nău rgâl tâm nău gĭt êng bah ăp đoàn viên druh ndăm.

Nău kơt nti n’hanh ƀư tĭng nău mĭn, nuih n’hâm, trong gŭ rêh Wa dơi mpôl hên an  ƀư ăp kôp lam trong kan. Nău lor bôk năp mpôl hên ƀư lah kơt nti way nkô̆  ma ăp rơh tâm nchră sinh hoạt chính trị tĭng ăp rơh bah ăp gưl đoàn. Tâl bar mpôl hên an ƀư  ndop đah ăp rơh sinh hoạt chính trị, ăp trong leo bôk nău kan cách mạng. rlău ma nê đŏng lah mpôl hên an ƀư trong kơt nti n’hanh ƀư  tĭng nău wa ma ăp rơh tâm rlong n’hanh n’glĕ dŭt mpôl hên ƀư ma nău pơk hvi ăp nuĭh ntĭt leo ntoh lư gay ntơm bah nê njêng luh suan ring jru tâm  ăp gưl đoàn n’hanh tâm lam rêh jêng kon nuĭh”.

Nti ndrel pah kan tĭng Wa Hồ, cán bộ, đảng viên ndrel ƀon lan nkuăl rnoi mpôl đê̆ ta n’gor Kon Tum hŏ geh âk nau kan ueh, săk tam, njêng nau dơi tâm ƀon lan, kơt: Ntrŭp ma nau rgŏ jă “Ƀư rgâl nau mĭn, nau kan tâm nkuăl rnoi mpôl đê̆ ƀư ân rnoi mpôl đê̆ nsôih rklaih ach o nâp nâl”, “Lam ƀon lan tâm rnglăp ndâk njêng ƀon lan mhe, đô thị ueh”, nau kan “Lam dak nsum ty kơl an nŭih ach o-mô ân geh nŭih geh nchlơi êng ba kơi”...Lah du nŭih blau tâm nau ntĭm nti ndrel ƀư tĭng nau mĭn, nau rêh, nau kan Hồ Chí Minh mhe geh Kruanh UBND nkuăl Đăk Hà pă săm ƀŭt rnê, wa Y Hlá, Groi Bí thư Chi bộ thôn Đăk Wek, xã Đăk Pxi, mbơh:

‘Gâp mro ŭch geh ntĭm nti ndrel ƀư tĭng nau rêh ndrel nau mĭn bah Wa Hồ. Yor nau mĭn, nau rêh, nau kan bah Wa lah nau tâm di, nau rêh rjăp. Săk gâp kŏ kơt lah kônh wa ta aơ ndơn saơ, moh nau ma Wa ntĭnh ri nơm ân geh ƀư ân rjăp. Rơh u che kăl e ê geh nau blau gay ma kơt tĭng tâm nau pah kan jan sa, ê blau săch tơm tăm, mpa rong, knŭng blau tuch tăm tĭng nau ơm, tăm ba, tăm bum...mô geh âk, nau rêh jêr jŏt. Rnôk aơ rnơm Đảng, Ngih dak kơl an, rnơm Wa Hồ ntĭm ma nơm blau ntrơn rgâl nau kan, blau săch kon ntil, mpa rong geh nau văng sa prêh kơt tăm tơm jong năm, rong sur djar...nau geh jêng rnăk vâl hun hao lơn, nau rêh ƀon lan ueh lơn”./.