VOV4.M’nông: Tết Trung thu lah rnôk gay kon se pâl ueh, rước đèn ông sao, uănh njroh lân. Yơn lah, đah kon se tâm nkuăl jru, nkuăl ngai, nkuăl rnoi mpôl đê̆ ri bánh trung thu mô lah đèn lồng lah ăp ntil ndơ khlay ngăn. Ăp nar aơ, âk ntŭk kan, rmôt kan hŏ rgum âk tu tơm gay ma leo tât ân kon se rnoi mpôl đê̆ du nar Tết Trung thu geh nau ueh. Tâm xã Pa Ủ, nkuăl Mường Tè, n’gor Lai Châu, ăp nau dak si bah ngih dak si Quân y 354 (N’gâng kan Hậu cần), uỷ ban Rnoh nŭih Rnăk vâl ndrel Kon se N’gâng kan neh dak ƀư khám săm ji, mbơh nau, pă dak si mô rnoh prăk ân 367 kon se ngih săm ƀŭt THPT Dân tộc nội trú Trung học cơ sở Pa Ủ.

  Tâm bôk nau kan “Trung thu ân oh năm 2022”, bơi tât 700 kon se jê̆ bah xã Pa Ủ hôm geh sa ƀănh Trung Thu, vơt yuh Hằng, kônh Cuội, ndrel ndơn geh âk nklâm ndơ khlay yor Rnâng kan ndrel ăp nŭih geh nuih n’hâm lŏng kơl pă ân. Rnoh nklâm ndơ ndrel prăk tâm ban bơi tât 4,5 rmen.

Tâm nkuăl n’har bri n’gor Thừa Thiên Huế, ma rhiăng kon se nti bah ngih săm ƀŭt Tiểu học-THCS Hồng Thuỷ, xã nkuăl n’har bri A Lưới geh rhơn trung thu duh răm. Ăp nau kan bah ăp rmôt, ăp nŭih kơl an ân kon se nkuăl n’har bri jêr jŏt, nkuăl rnoi mpôl đê̆, nkuăl gôl dak...hŏ ntoh nau vay ơm “rŏng nŭih kơt rŏng săk nơm” bah rnoi nơm./.

Nŭih rblang: H’Thi