VOV4.M’nông – Kêng măng lơ 20/1, Thủ tướng Chính phủ Phạm Minh Chính lĕ wơt wa Choi Joo Ho, Tổng Giám đốc Tổ hợp Samsung Việt Nam. Ta nar wơt, Thủ tướng Phạm Minh Chính mĭn lah tâm boh kan ndrel Việt Nam-Hàn Quốc dôl hun hao uĕh tay nău ƀư kan ndrel, ntuh kơl bah Samsung lah an saơ na nê̆. Thủ tướng uănh lah prêh săk rnglăy tăch rgâl bah Tập đoàn ta Việt Nam tâm rnôk jêr jŏt mhe rlău yor srê, lơn lah dĭng lĕ geh tăch rgâl tâm năm bah ăp nău ƀư nkra njêng tăch rgâl n’hanh tăch n’gluh hao nklăp 14% nkôp đah rơh aơ năm 2020, geh rlău 74% rmen đôlar. Thủ tướng uănh lah prêh nău Samsung uănh Việt Nam ntŭk nsing lam ntŭr neh đah trong ntuh kơl rjăp, jŏ jong.  

Nuĭh rblang: Y Sưng Phê Ja