VOV4.M’nông – Ôi 1/3, ta ngih Chính phủ, Thủ tướng Chính phủ Phạm Minh Chính ƀĭt joet rƀŭn trực tuyến rnâng kan Chính phủ đah ăp ntŭk, djăt nău mbơh mĭn njêng đah 5 nău nchrăp ƀư ntung trong têh khlay geh: trong vành đai 4 nkual Thủ đô Hà Nội; trong vành đai 3 Nkual ƀon têh Hồ Chí Minh; trong cao tốc Châu Đốc-Cần Thơ-Sóc Trăng; trong cao tốc Khánh Hòa-Buôn Ma Thuột; trong cao tốc Biên Hoa-Vũng Tàu. Ta rơh rƀŭn, Thủ tướng Chính phủ Phạm Minh Chính lah rjăp, 5 nău nchrăp ƀư ntung trong dơi uănh mĭn tay rơh aơ lah ăp trong khlay, lah trong boăt nthoi ăp ntŭk wăng sa têh, ăp njok trong khlay bah ăp nkual, n’gor, nkual ƀon têh... Nău mbơh rdâk ƀư 5 nău nchrăp ƀư aơ geh tât âk nău, âk n’gor, nkual ƀon têh n’hanh âk nuĭh ƀon lan. Yor nê Thủ tướng đă ăp ntoh măt râng rƀŭn an rgum mĭn njêng, uănh mĭn tay na nê̆, âk ntil gay geh săk rnglăy âk.

Nuĭh rblang: Y Sưng Phê Ja