VOV4.M’nông: Ôi lơ 3/8, ta ntŭk kan Chính phủ, Thủ tướng Chính phủ Phạm Minh Chính ƀư tơm nar rƀŭn Chính phủ mpeh nau kan văng sa rêh jêng khay 7 ndrel 7 khay năm 2022, nau kan ntrŭnh nau kan mrô 01 bah Chính phủ, nau ntrŭnh ƀư Bôk nau kan ndâk ndrel hun hao văng sa, rêh jêng ndrel nau kan njrăng rdâng srê Covid-19. Ntoh nau tâm nar rƀŭn, Thủ tướng Phạm Minh Chính lah rjăp, khay 7 ndrel 7 khay rlau aơ văng sa geh đăp mpăn, nkân nau hao khlay, hun hao, tâm ban ăp nau kan têh, nau pă nŭih hăn kan ndâk ngăch.

Nâp nâl chính trị, đăp mpăn nau rêh, đăp mpăn, ƀư tơm, lĕ nkuăl neh geh mât nâp, nau kan tâm nchră đah dak ba dih geh ntrŭt dăng. Mpeh nau kan tâm khay 8 ndrel ăp khay ba kơi, Thủ tướng lah rjăp, nau kan hôm tât jêr, jêr rdâng, uănh năl nau jêr, nau ntul rlong âk lơn nau tât, nau nơih, mô dơi thơ tha đah ăp nau tă geh, uănh năl nau kan tât lah nau jâk, ri ma ân rgum nchră nau kan tâm dak ndrel dak ba dih ân tâm di gay ma leo ăp nau kan ân tâm di./.

Nŭih rblang: H’Thi