Kêng măng 25/8, Thủ tướng Phạm Minh Chính, Kruanh Rnâng kan rđau kan đăp mpăn, rnă njrăng mạng neh dak ƀư tơm nar rƀŭn tal bar bah Rnâng kan. Rơh rƀŭn hĭ nchră lĕ ăp nau kan tă geh dơi bah Rnâng kan rđau kan tâm rơh rlau aơ, nchrăp luh nau kan tâm rơh tât. Kŏ tâm nar rƀŭn, Rnâng kan hŏ mbơh nau ntrŭnh bah Thủ tướng Chính phủ mpeh nau ƀư nâp Rnâng kan rđau kan.

Tâm nar rƀŭn, Thủ tướng Phạm Minh Chính mbơh nau đă đah nau đăp mpăn, rnă njrăng mạng tâm rơh tât hŏ jêng du nau ƀư nau kan, ân geh nchrăp rdâng đah nau ntul rlong trong mạng, mô ân geh nau ndrât ndal. Nkre lah, ân geh nau râng, lăp kan bah lam ntrong kan chính trị, nsum mpôl ntŭk kan tăch rgâl, ƀon lan...Thủ tướng kŏ đă nchrăp tam rnglăp lam ntur neh tâm nau kan đăp mpăn, rnă njrăng mạng, mbơh nchră nau tă blau tâm nau rđau kan, đă ndrel nau kan đăp mpăn mạng tâm lam ntur neh./.