Kêng măng 6/1, ta ntŭk kan Chính phủ, Thủ tướng Chính phủ Phạm Minh Chính, Kruanh rnâng kan rđau kan Chính Phủ mpeh “Lôch nau ƀư nau ntrŭnh mrô 18 bah Trung ương gưl XII mpeh nau lŏ rgâl mhe, dăp rgum ntrong kan Chính trị gleh, pah kan săk tam” ƀư tơm nar rƀŭn tal 8 bah Rnâng kan rđau kan. Rơh rƀŭn rgum nchră tât nau lôch nau kan bah Uỷ ban mât tơm prăk Ngih dak tâm ntŭk kan ndrel nau ntrơn nau dơi, nau kan bah ntoh măt tơm mât Ngih dak đah 19 rmôt kan, tổng công ty, nau kan dăp rgum, ƀư ntrong kan bah N’gâng kan Kơp uănh.

Jêh geh djăt ăp nau đă, ntoh nau tâm nar rƀŭn, Thủ tướng Phạm Minh Chính mbơh, tâm rnôk hun hao, chính phủ hŏ dŏng nau kan êng êng tâm nau mât Ngih dak, tơm prăk Ngih dak tâm ntŭk kan ân tâm di tĭng ăp rơh. Tĭng Thủ tướng Chính phủ, năm 2025 lam dak nsôih hun hao văng sa geh đê̆ ngăn 8%, pơk trong ân hun hao 2 rnoh mrô. Ndri ma ăp n’gâng kan, ntŭk kan, nkuăl ân n’hao đê̆ ngăn 8%; nau dăp rgum nau kan, ƀư kan đah ăp rmôt, tổng công ty Ngih dak ân tâm nuih n’hâm “leo nau dơi bah neh dak rnoi mpôl hao klơ, ê lor” gay tơm prăk Ngih dak geh mât ueh ngăn ndrel hun hao ueh ngăn, kơl an hun hao neh dak tâm rnôk mhe./.