Ôi nđaơ, Thủ tướng Chính phủ Phạm Minh Chính rơh rƀŭn Chính phủ khay 1-khay bôk năp bah năm 2024 gay rgum tâm nchră mpeh nu nău wăng sa-rêh jêng khay 1, ndơ̆ an prăk ntuh kơl nsum, 3 bôk nău kan rƀŏng tĭng lam dak n’hanh ăp nău khlay ntĭm rđău khay tât. Tâm nchră ta rơh rƀŭn, kruanh ăp n’gâng kan lĕ rblang mpeh nu nău tâm dak n’hanh lam ntŭr neh, ăp nău blău ơm n’hanh nău kan mkra dôh rklaih jêr jŏt, wăk kol an doanh nghiệp, nuĭh ƀon lan ntrôl nkra njêng, tăch rgâl, nta an nău kan, joi nău rêh an nuĭh ƀon lan.

N’glôn jêh rƀŭn Thủ tướng Phạm Minh Chính lah rjăp, tĭng nghị quyết Đại hội 13 bah Đảng, nău rđău, ƀĭt joet bah TW, bah N’gâng kan chính trị, bah kruanh n’gâng tơm, nău hun hao wăng sa rêh jêng 2021-2030, ăp trong nchrăp 5 năm lvang 2021-2025, ăp Nghị quyết, Ntĭm đă bah chính phủ, Thủ tướng Chính phủ gay na nê̆ trong nchrăp, trong ƀư tĭng bah tĭng gưl, tĭng nău kan n’hanh ngih pah kan. Ntrôl ntrôl nkoch trêng, ngăn lah nkoch trêng nău kơl; n’hao săk rnglăy trong kan rgŏ jă; ƀư tĭng uĕh nău way ƀon lan ƀư tơm; nâp nâl nău tâm rnglăp lĕ rnoi nuĭh.