Ôi 16/2, Thủ tướng Chính phủ Phạm Minh Chính ƀư  tơm rơh hop tâl 9 Ban rđău đă ngih dak ăp ntŭk nchrăp kan khlay gưl neh dak, rgum tơm n’gâng kan ntung trong. Ntơh măt Chính phủ, Ban rđău đă, Thủ tướng mpư rnê nău nsrôih bah n’gâng kan ntung trong nchuăn rdeng, bah ăp kỹ sư, công nhân, nuĭh kan n’gâng kan ntung trong hŏ nsum ti rdâk njêng lam ăp rêng ntung trong têh kuâng mhe, ăp kôp.

Thủ tướng dăn đă Bộ Giao thông vận tải mbơh na nê̆ lôch jêh geh tĭng ƀư ăp nău  dơn kan, nkoch kloh ăp nchiăng khan, kŏ kol, jêr jŏt, trong an ƀư  tâm let năp tay. Ăp  n’gor rgum mbơh mpeh nău nkra ăp nkô̆ nău hôm nchiăng khan kŏ kol kơt: Siƀŭt mpeh tơm lŭ neh an ƀư ăp ntŭk nchrăp kan; rnoh ngăch rong neh an ƀư; pah kan nchrăp ntuh kơl ăp njăr trong cao tốc nkual ƀon têh Hồ Chí Minh - Mộc Bài, Gia Nghĩa - Chơn Thành, Hữu Nghị - Chi Lăng, Hòa Bình - Mộc Châu, Tân Phú - Bảo Lộc, An Hữu - Cao Lãnh.