Ôi 2/8, Thủ tướng Phạm Minh Chính, Kruanh Ban rđău đă Rdâk njêng Đề án “N’glôch jêh 10 năm tĭng ƀư Nghị quyết mbrô 22 bah Bộ Chính trị mpeh lăp rgum dak bah dih” (Ban rđău đă) ƀư tơm rơh hop bôk năp bah Ban rđău đă. Rơh hop ƀư tĭng trong pơk sŏng dăng đah bôk ƀoh ta Nhih pah kan Chính phủ đah 63 n’gor, nkual ƀon têh mpeh Trung ương.

N’glôch jêh rơh hop, Thủ tướng Phạm Minh Chính an lah lôch 10 năm an tĭng ƀư Nghị quyết 22 hŏ njêng geh nău rgâl têh. Ntŭk khlay kan chính trị, săk geh bah neh dak dơi n’hao têh, tâm boh dak bah dih dơi pơk hvi. Muh măt neh dak dơi rgâl uĕh, GDP hao rlău 2 tơ̆ rđĭl đah 10 năm bah năp nơh. Thủ tướng Chính phủ lah rjăp mông nar hôm dŭt glêh tât rnôk Ban rđău đă ân ƀư lôch jêh nău kan hao mbơh Bộ Chính trị. Gay ntrôl ngăch lơn đŏng an ƀư pah kan n’glôch jêh, Thủ tướng đă Ban rđău đă n’hanh rmôt biên tập rgum, ơm năl kloh ndơ geh ƀư n’glĕ dŭt bah Đề án n’glôch jêh, nê lah nsŏng kơl an Bộ Chính trị n’gluh an dŏng siƀŭt rđău đă mpeh lăp rgum dak bah dih tâm nô nău mhe./.