Ôi 27/3, Thủ tướng Chính phủ Phạm Minh Chính ƀư tơm rơh hop Chính phủ way nkô̆ mpeh rdâk njêng pháp luật khay 03.2023. Thủ tướng lah rjăp, pah kan rdâk njêng n'hanh ƀư lôch jêh nău way trong kơl lah ƀư mbro, jŏ jong, ân rgum rđău đă, n'hao nău jăp kan, nău phiăn neh dak;  ntuh kơl lơn đŏng mpeh tơm nuĭh kan, tơm ndơ kan.

Ta rơh hop dja, ăp nuĭh kan Chính phủ tâm nchră n'hanh an nău rgop đah 5 nkô̆ lah 2 trong nchrăp Luật, 1 nău dăn đă rdâk njêng luật, 2 trong nchrăp Nghị quyết lah: Trong nchrăp Nghị quyết bah Quốc hội mpeh rlong du đêt trong kan, trong kơl droh rklaih jêr jŏt, kŏ kol tâm ntuh kơl rdâk njêng ntung trong; du đêt trong kơl mhe tâm trong mât uănh luh lăp, chuah rlău, gŭ nde bah nuĭh dak bah dih ta Việt Nam gay n'glăp tâm Nghị quyết nsum bah Quốc hội ta Rơh hop Tâl 5; Trong nchrăp Luật Căn cước công dân (rgâl nkra); Trong nchrăp Luật ăp tổ chức tín dụng (rgâl nkra); Dăn đă rdâk njêng Luật rgâl nkra, kơi ntop du đêt nkô̆ bah Luật luh, lăp dak bah  dih bah nuĭh ƀon lan Việt Nam.