VOV4.M'nông: Ôi 4/3, ta nhih pah kan Chính phủ, Thủ tướng Chính phủ Phạm Minh Chính hŏ ƀư tơm rơh hop Chính phủ way nkô̆ gay rdâk njêng pháp luật. Ăp nuĭh kan nsum Chính phủ hŏ tâm nchră, an nău rgop mpeh 5 trong nchrăp Luật n'hanh 1 Nghị quyết. lôch rnôk djăt ăp nău tâm nchră, Thủ tướng Chính phủ Phạm Minh Chính rnê âk ăp nău rgop lĕ nuih n'hâm, dơn kan, ăp n'gâng kan hŏ nsrôih, rgum rđău đă, rgum tơm nuĭh kan, mông nar, n'hâm suan, nsrôih nchrăp, hao mbơh rblang ăp trong nchrăp luật đăp mpăn rnoh ngăch, săk tam.

Thủ tướng du tơ̆ tay đŏng lah rjăp nuih n'hâm ân ntuh kơl an pah kan rdâk njêng nău way trong kan tâm di đah ngoăy tâm pe trong kan đăt ndal jŏ jong. Ân rgum lơn đŏng an nău rgâl nkra, kơi ntop, ƀư lôch jêh lam trong kan pháp luật, lơn lah ăp nkô̆ nău ngăn ngăn mhe ntoh, ân rgâl di gay droh rklaih ăp kŏ kol mpeh nău way trong kan, nta trong dơh an nuĭh ƀon lan, doanh nghiệp; rgop dâk hao tay n'hanh hun hao wăng sa rêh jêng kon nuĭh./.

Nuĭh rblang: Điểu Thân