Thủ tướng Chính phủ Phạm Minh Chính, Kruanh Ban rđău đă njrăng n'gang nuh srê COVID-19 gưl neh dak (Ban rđău đă) ƀư tơm rơh hop tâl 18 Ban rđău đă pơk sŏng dăng đah 63 n'gor, nkual ƀon têh mpeh Trung ương. Lah ta rơh hop, Thủ tướng Chính phủ Phạm Minh Chính lah rjăp ân ntrŏng năl njrăng n'gang nuh srê COVID-19 uĕh lơn gay geh trong tĭng ƀư nău kan chính trị, hun hao wăng sa- rêh jêng kon nuĭh bah năm 2022, năm 2023 n'hanh ăp năm bah kơi tay.

Ban rđău đă ƀư rơh hop tâl 18 gay uănh năl nô nău n'hanh pah kan njrăng n'gang nuh srê COVID-19 tâm ban kơt ăp nuh srê ntoh luh êng ƀa ƀă. Gay njrăng n'gang nuh srê COVID-19 geh nău tam, mât njrăng săk rêh bah nuĭh ƀon lan, nta trong dơh an hun hao wăng sa- rêh jêng kon nuĭh dâk hao tay ân tĭng groi nđôi lhăt, uănh năl, rblang gĭt nô nău, lor nchrăp, trong rdâng lơh n'hanh an ƀư tŏng di đah ăp nău tât bah nuh srê; nkre ngăch rƀah gĭt, ntop ăp trong way kan n'hanh ntop kơl n'gor tâm njrăng n'gang nuh srê COVID-19.  

VOV/Nuĭh rblang: Điểu Thân