Kêng măng 12/7, Thủ tướng Chính phủ Phạm Minh Chính, Kruanh Ủy ban gưl neh dak mpeh rgâl mbrô ƀư tơm rơh hop tâl 6 bah Ủy ban n’hanh Tâm nchră sơ kết 6 khay bôk năm n’hanh an ƀư nău dơn kan 6 khay kêng dŭt năm 2023 mpeh rgâl mbrô gưl neh dak n’hanh Đề án hun hao dŏng rgum prăp nău lư mpeh ntŭk ƀon lan  gŭ, moh săk n’hanh  năl di ngăn săk điện tử dŏng an rgâl mbrô gưl neh dak lvang năm 2022 - 2025, uănh ngai tât năm 2030 (Đề án 06) bah Chính phủ.

Tâm  let năp tay Thủ tướng đă, rgâl mbrô gưl neh dak ân ƀư du trong lam lĕ rngôch, yơn ân ƀư săk tam lơn lah rnoh âk geh ƀư; an lor hun hao ăp jâng nsing lơn lah ăp ntŭk mât prăp nău lư gưl neh dak; an lor mât đăp mpăn rnă njrăng mạng, đăp mpăn nău lư. Thủ tướng lah rjăp, rdâk njêng, hun hao ndru tơm ƀon lan mbrô ân lah du jâng nsing khlay bah rgâl mbrô gưl neh dak, du ntô mblăy mô dơi tăch luh tâm nău rêh, wăng sa kon nuĭh. Thủ tướng nchŏng kloh, ân tâm ban geh đah Ngih dak, nuĭh ƀon lan; yơn ân ƀư du trong “geh nău rŏng kon nuĭh”, di nuih n’hâm gay ƀon lan n’hanh doanh nghiệp ŭch tĭng, nsrôih tât râng./.