Ôi 10/4, Thủ tướng Phạm Minh Chính hŏ ƀư tơm rơh hop Chính phủ way nkô̆ mpeh rdâk njêng pháp luật khay 4. Rơh hop gay mĭn uănh, an nău rgop mpeh sŏk nău ƀon lan n'hanh ƀư lôch jêh ăp tŏng trong nchrăp Luật neh ntu (rgâl nkra) hao mbơh dăn Quốc hội n'hanh nău djăt nău rgop bah Ủy ban Thường vụ Quốc hội đah trong nchrăp Luật jay gŭ (rgâl nkra).

Lah ta rơh ntơm pơk, Thủ tướng Chính phủ Phạm Minh Chính an gĭt: ăp khay Chính phủ geh 1 rơh hop way nkô̆ mpeh rdâk njêng pháp luật, tâm rnôk i ngăn hôm tât ngăch, jêr nchroh lor đŏng. Jêng, Chính phủ ân grêt dêh tĭng ngăn ngăn, uănh khlay nău ngăn geh, ntoh bah nău ngăn ngăn, sŏk nău ngăn ngăn ƀư mâng weh rdâk njêng pháp luật. Tâm bah ri aơ nơh, ăp n'gâng kan hŏ lor nchrăp ôp uănh tay ăp siƀŭt pháp luật, saơ ăp nău kŏ kol, nsing ta nê rgâl di, rdâk njêng, ƀư lôch jêh pháp luật gay mbluh soih tâm rnôk hun hao. Quốc hội hŏ nsrôih, ndrel hăn Chính phủ gay droh rklaih jêr jŏt, kŏ kol tâm trong tĭng ƀư nău dơn kan chính trị, lơn lah ăp kŏ kol geh tât nuĭh ƀon lan, doanh nghiệp, kalơ nuih n'hâm đăp mpăn nău dơi, nău geh tâm di bah nuĭh ƀon lan, doanh nghiệp.