VOV4.M’nông: Ôi lơ 14/4, ta ntŭk kan Chính phủ, Hội đồng tâm rlong rnê nkhôm Trung ương năm kan 2021-2026 ƀư rƀŭn tal 2 đah nau ƀư tơm bah Thủ tướng Chính phủ Phạm Minh Chính, Kruanh rmôt kan. Jêh geh djăt nau mbơh nau rgop nchră, lôch nau tâm nar rƀŭn, Thủ tướng kơp dơn, rnê prêh ndrel rnê nuih n’hâm ƀư nau kan bah ăp nŭih kan bah Hội đồng-hŏ geh ăp nau kan ngăn, săk tam, geh âk nau rgop ueh ngăn tâm nau tâm rlong-rnê nkhôm.

Mpeh nau kan, ntỏng kan tơm tâm năm 2022, Thủ tướng lah kloh: Ƀư ăp nau kan tâm nau kan tâm rlong rnê nkhôm, săk tam, mât tâm dăch ăp nau, nau kan rƀŏng trong hun hao văng sa, rêh jêng hŏ nchrăp luh tâm nau ntrŭnh Đại hội tal XIII bah Đảng, Nau ntrŭnh bah Quốc hội, Chính phủ, Nau ntrŭnh bah Đại hội Đảng bộ ndrel Nau ntrŭnh bah Hội đồng nhân dân ăp gưl. Lŏ rgâl mhe nau kan tâm rlong, ƀư rjăp nau kan ndrel nau ƀư chính trị, ntŭk kan, nkuăl tĭng nuih n’hâm bah Chính phủ hŏ nchrăp luh năm 2022 lah “Tâm rnglăp nâp, nchrăp ƀư geh dơi, đăp mpăn săk tam, ndâk nau hun hao”./.

Nŭih rblang: H’Thi