Kêng măng 02/11, ta Ngih Chính phủ, Thủ tướng Chính phủ Phạm Minh Chính lĕ wơt Tổng thống Mông Cổ Ukhnaagiin Khurelsukh dôl gŭ khâl Việt Nam. Thủ tướng Phạm Minh Chính dŭt n’hâm mbah rhơn Tổng thống Mông Cổ Ukhnaagiin Khurelsukh, uănh lah rơh khâl geh nkô̆ nău khlay, geh ta năp nkah gĭt 70 năm ndâk njêng tâm boh tâm rnglăp tâm năm 2024 n’hanh ndơ̆ tâm boh dăch dêh way ơm ăp ding lvang hun hao mhe, ngăn ngên, săk rnglăy.

2 ding lĕ tâm rgâl mpeh ăp trong mkra na nê̆ gay n’hao kan ndrel ngăn ngên, săk rnglăy lơn tay ta lĕ rngôch ăp ntil, tâm di đah soan dăng, nău ŭch ăp ding, tâm di đah tâm boh chính trị uĕh lăng đah 2 dak. Thủ tướng rnê 2 ding lĕ pơk trong mpăr sŏng n’hanh ký tâm ton mpeh mô ôp sŏk sam ƀŭt an nuĭh mô geh hộ chiếu phổ thông, tă bah nĕ nta nơih ntrôl kan ndrel pâl nđaih, tăch rgâl n’hanh n’hao tâm nđŭr nuĭh ƀon lan 2 dak.