VOV4.Mnông-Nar 6/2, Thủ tướng Chính phủ Phạm Minh Chính n’hanh mpôl pah kan bâh chính phủ lĕ tât uănh ta ntŭk, ntrŭt đă, rgŏ jă nuĭh pah kan tât ƀư tăch ndeh păr hăn đah lam ntur neh Long Thành. Nău nchrăp kan rdâk njêng tach ndeh păr hăn đah lam ntur neh Long Thành lvang rơh 1 geh Thủ tướng chính phủ an dŏng rơh 1 nar 1/1/2020, tâm rnôk geh ƀư bâh năm 2020-2025. Uănh nău nchrăp kan, Thủ tướng chính phủ Phạm Minh Chính mĭn rvê, tât aƀaơ âk nău kan ê hŏ dơi lôch. Yor nĕ, ăp n’gâng kan, ntŭk kan an geh tâm rgop na nê̆, rgâl mhe nău leo kan, ntrŭt đă ƀư nău kan uănh nđôi ta ntŭk, tĭng nău kan, tĭng nău ƀư kơt lah mât uănh oh kon nơm rĭ mơ geh ƀư ueh ngăch.  “Dăn đă ăp n’gâng kan, ăp ntŭk kan nchră na nê̆ nău kan, nău dơn kan, nuĭh dơi ƀư rĭ nsrôih, an geh ƀư tĭng, nuĭh mô dơi ƀư rĭ an gŭ êng du ding an bu êng ƀư”. Thủ tướng đă, ăp ntŭk kan an geh rgum tâm nchră joi luh trong kan na nê̆ ăp khay, ăp bôk nău kan.

Nuĭh rblang: Thị Đoắt