Mhe rlău, ta Rƀŭn nchră mbơh nău kan an năm nti 2024-2025 dơi ƀoh trực tuyến tât 63 n’gor, nkual ƀon têh ta lam dak, Thủ tướng Chính phủ Phạm Minh Chính đă nchrăp uĕh ăp ndơ an năm nti mhe. Thủ tướng Chính phủ Phạm Minh Chính đă nău kan ntĭm nti, ăp n’gâng kan, nău  Trung ương n’hanh ăp ntŭk rgum ƀư tĭng 9 nău kan khlay, geh: Rgum ƀư mbơh n’glôn jêh mrô 91 bah Bộ Chính trị ƀư tĭng Nghị quyết Rgâl mhe, n’hao tam, săk rnglăy trong kan mât uănh ngih dak tâm trong kan ntĭm nti; N’hao uĕh rmôt nai, nai ntĭm nti đại học n’hanh cán bộ mât uănh ntĭm nti, tâm di nău ŭch ngăn n’hanh tâm lvang rgâl mhe nău kan ntĭm nti; Mĭn njêng, uănh lah lĕ rngôch mpeh rgâl mhe bôk nău ntĭm nti, ndrôm sam ƀŭt giáo khoa mhe; N’gâng kan ntim nti n’hanh ăp n’gor nchrăp trong ƀư tâm rlong tốt nghiệp THPT năm 2025 tĭng bôl nău ntĭm nti phổ thông mhe.

Ta năp năm nti mhe 2024-2025, mbah rhơn lĕ rngôch cán bộ mât uănh, nao, cô mât uĕh nuih n’hâm lĕ đah nău kan n’hanh dŭt n’hâm đah nău kan, mkra ăp nău jêr jŏt, rlet rlău ăp ntŭl rlong, nsrôih nău rƀŏng rgâl mhe bôk năp, lĕ rngôch ntĭm nti, tâm di ăp nău mpŏng kâp bah Đảng, Ngih dak n’hanh nuĭh ƀon lan, ndơ̆ rnoi nuĭh Việt Nam jêng du rnoi nuĭh uĕh, kơt Kruanh Hồ Chí Minh he. Mbah rhơn năm nti mhe 2024-2025 lôch uĕh; ăp nai, cô ngăch dăng, uĕh lăng, rgop âk tay an nău kan “Ntĭm nti nuĭh”; kon hŏk, sinh viên đeh, gĭt blău, ƀư tĭng lôch uĕh nău ŭch, rgop ndâk njêng ƀon tơm, neh dak nar lơ uĕh.