Ntoh ngơi ta aơ, Thủ tướng Chính phủ Phạm Minh Chính mĭn lah, FPT lah doanh nghiệp hăn lor mpeh rgâl mrô ta Việt Nam bah ăp năm 2016. FPT ndrel đah ăp doanh nghiệp công nghệ êng bah Việt Nam lĕ geh njoat hun hao uĕh, rgop ndơ̆ Việt Nam hao prêh, jêng ntŭk ntoh lư đah công nghệ thông tin ta du đêt nău kan.

Thủ tướng lah rjăp, rlău ăp njoat jêr jŏt n’hanh rgâl hao, trong hăn FPT hăn tĭng hun hao công nghệ thông tin, ndâk nkra hun hao phần mềm, nkra njêng chip lah trong hăn di ngăn, tâm di đah FPT, tâm di đah trong hăn bah lam ntŭr neh, nău rêh jêng bah neh dak he. Thủ tướng Chính phủ ntĭm rđău N’gâng kan ntĭm nti n’hanh ăp n’gâng kan nău kan geh tât tâm rgop đah FPT mĭn njêng nsum, n’gluh an trong mkra gay ntĭm nti nuĭh kan uĕh blău âk gay rgop ndâk njêng neh dak Việt Nam têh dăng n’hanh uĕh lăng.