Thủ tướng Chính phủ mhe geh ntĭm đă n’hao ntêm nkrem điện lvang 2023-2025 n’hanh ăp năm bah năp tay. Tĭng nĕ, Thủ tướng Chính phủ đă tâm lvang aơ, lam dak an nsrôih ăp năm ntêm nkrem đêt ngăn 2% dĭng lĕ điện dŏng; n’hŭch roh hoach điện ta lĕ rngôch trong điện bah dâng 6% tâm năm 2025. Nsrôih tât năm 2030 geh 50% ăp ngih pah kan n’hanh 50% ngih wâl nuĭh ƀon lan dŏng điện măt nar chor jay ƀư êng, dŏng êng.

Tât lĕ năm 2025, lĕ rngôch trong điện pơk ang trong nkual ƀon têh dŏng đèn LED. Gay dơi geh nău ŭch aơ, Thủ tướng đă ăp rmôt kan, êng nuĭh tĭng rjăp, dŭt n’hâm ƀư tĭng nău ntêm nkrem điện. Na nê̆, ăp n’gâng kan, nău kan, ngih pah kan tâm ban bộ, ngih pah kan mpeh tâm Chính phủ, UBND ăp n’gor, nkual ƀon têh mpeh tâm Trung ương, ăp doanh nghiệp n’hanh ăp rmôt kan nsum mpôl-rêh jêng ƀư tĭng ăp trong ntêm nkrem điện