Ta Hà Nội, Thủ tướng chính phủ Phạm Minh Chính ƀư tơm rơh pah kan đah Rnâng kan Chính phủ đah Ban Chấp hành Hiệp hội Doanh nghiệp jê̆ n’hanh dah găp (SME) mpeh nô nău kan bah hiệp hội, nsum mpôl doanh nghiệp SME n’hanh ăp trong nkra droh rklaih jêr jŏt an doanh nghiệp.

        Lôch rnôk djăt nău rgop bah Hiệp hội SME, ăp doanh nghiệp n’hanh gâl rblang nău ôp, nău dăn đă bah ăp n’gâng kan n’hanh kruanh rđău kan ăp ngân hàng, n’glôch jêh rơh pah kan, Thủ tướng Chính phủ Phạm Minh Chính lah rjăp Chính phủ way djăt, nkoch nău nsrôih gay geh ăp trong droh rklaih jêr jŏt an doanh nghiệp, kơt tĭng ƀư ăp trong kơl njong nar ndơ̆ prăk sŏk soăy, prăk manh neh, n’hŭch đêt prăk sŏk soăy, prăk nkhôm kan; rgum droh rklaih jêr jŏt, ntrŭt ntrôl ăp ntŭk tăch rgâl trái phiếu doanh nghiệp, neh ntu; ntrôl ngăch rgâl dơh glêh siƀŭt kan, rgâl soih aih ntŭk ntuh kơl tăch rgâl; ntop kơl doanh nghiệp dâk hao tay ngăch, hun hao jŏ jong nâp dăng./.