Lơ 15/9, Thủ tướng Chính phủ Phạm Minh Chính ƀư tơm nar rƀŭn đah ăp n’gor geh nau khuch bah phŭt mrô 3, nchră nau kan rklaih nau khuch, kơl an ƀon lan, ntŭk kan đăp mpăn nau rêh. Tâm rơh rƀŭn, Thủ tướng Phạm Minh Chính njoăl nau ôp khâl, tâm pă nau rngot bah Bộ Chính trị, Ban Bí thư, Tổng Bí thư, Kruanh dak Tô Lâm ndrel bah rđau kan Đảng, Ngih dak tât ăp ntŭk kan, n’gor, rmôt kan ndrel ngăn lah ăp rnăk nŭih geh nŭih khĭt, roh, rmanh tâm rnôk phŭt mrô 3 lơh.

Thủ tướng mbơh, đah nuih n’hâm tâm kơl, n’ha ueh nkŭm n’ha sat, Uỷ ban Trung ương MTTQ Việt Nam ƀư nau rhŏ jă kơl an kônh wa geh nau khuch yor phŭt mrô 3 lơh, đah rnoh prăk tât rnôk aơ rlau 1000 rmen. Chính phủ kơp gay ma kơl an. Thủ tướng lah rjăp, nơm ân nsôih lơn tâm nau ƀư nau rklaih khuch bah phŭt mrô 3 yor nuih n’hâm rnoi mpôl, yor nau rêh bah ƀon lan đah nkô̆ nau lah: Mô ân geh nŭih mô tŏng sa, mô tŏng nsoh, ji ngot, ji kăt, mô tŏng dak kloh, mô geh ntŭk gŭ, ăp nau rêh jêng ăp nar./.