Ôi lơ 15/11, Thủ tướng Chính phủ Phạm Minh Chính ƀư tơm nar rƀŭn Hun hao pâl n’aih Việt Nam ngăch, nâp nâl. Nkô̆ nau bah nau kan pâl n’aih dak nơm tât năm 2025 mra vơt geh 35 rkeh tŏ năch dak ba dih ndrel 120 rkeh năch tâm dak nơm, tât năm 2030 vơt 50 rkeh tŏ năch dak ba dih, 160 rkeh tŏ năch tâm dak nơm. Gay jêh nkô̆ nau nê, tĭng Thủ tướng, ntŭk kan pâl n’aih ân geh ngăn ngên rgâl nau mĭn, nau kan, đah ăp nau blau nau mhe, rgâl nau mhe, tâm ban, săk tam; ƀư “tâm rngop rjăp, tâm rgop nơih, tâm boh ăp ntil”.

Thủ tướng đă rơh rƀŭn nchră gay joi luh ăp ntrong kan ân ăp nau kan gleh, jong năm; joi luh ăp nau ơh ân du đê̆ nau kan khlay gay leo nau kan pâl n’aih hun hao ngăch ndrel nâp nâl. Thủ tướng đă ân geh rgum kloh nau gay ntrŭnh ăp nau kan gay n’hao nau tâm rgop hun hao pâl n’aih, n’hao săk tam nau rgum ndrel dŏng tơm kan. Ân geh nau kan gay bonh đă, pơk trong nơih ân ntrŭt dăng nau hun hao pâl n’aih; Ntrong kan gay ma hun hao nŭih ƀư nau kan pâl n’aih, ngăn lah nŭih geh nau blau ngăn./.