VOV4.M’nông: Rơh rƀŭn Chính phủ nkô̆ nau pháp luật khay 1/2022 geh ƀư tâm ôi lơ 19/1. Ntoh nau tâm nar rƀŭn, Thủ tướng Chính phủ Phạm Minh Chính đă, ăp N’gâng an, kruanh rmôt kan ân geh rđau kan ndâk njêng ndrel ƀư jêh nau kan, mô dơi đă Groi kruanh jrâu kan ƀư nau kan aơ, ăp khay ân geh rđau ân rjăp tay ăp nau kan hôm kol, nau ân geh dih rklaih, nau kan mhe, jêr, tât mhe tâm rnôk rđau đă, ăp nau kan ê geh nau ntrŭnh mô lah hŏ geh nau ntrŭnh yơn nau ngăn hŏ tă rlet rlau. Rơh rlau aơ, Chính phủ, Thủ tướng Chính phủ hŏ ngăn ngên uănh khlay nau kan ndâk ndrel ƀư jêh nau kan, ngoai tâm 3 nau kan têh ngăn geh ăp nau ntrŭnh bah Đại hội Đảng lam dak. Ta rơh rƀŭn aơ, ăp ntoh măt tâm nchră mpeh nau nchrăp Luật hăn trong jâng (rgâl nkra); Bôk nau nchrăp luật mât đăp mpăn gung trong jâng, Nau nchrăp Luật rmôt kan râng nau mât đăp mpăn, rnă njrăng tâm dâng ndrel du đê̆ nau nchrăp luật khlay êng./.

Nŭih rblang: H’Thi