VOV4.M’nông: Ôi 29/9, ta ntŭk kan Kruanh dak, Thủ tướng Chính phủ Phạm Minh Chính ƀư tơm nar vơt Thủ tướng dak Cộng hoà Cuba wa Manuel Marrero Cruz ndrel rmôt kan ntoh măt gưl prêh bah Chính phủ Cuba tât khâl ngăn Việt Nam. Jêh nar vơt, Thủ tướng Chính phủ Phạm Minh Chính ndrel Thủ tướng dak Cộng hoà Manuel Marrero Cruz ntơm tâm nchră. Aơ lah rơh khâl bah Thủ tướng Cuba Manuel Marrero Cruz gay ntrŭnh ƀư nau tâm nchră tă dơi geh đah rđau kan gưl prêh bar dak, nthoi tay ndrel ƀư hun hao lơn nau tâm, boh Việt Nam-Cuba.

Ntoh nau nsôih bah bar ding tâm nau lŏ hun hao ndrel ƀư rjăp lơn tay nau tâm boh kan nsum, tâm rnglăp ơm ueh, tâm rnơm, tâm boh ăp ntil đah Đảng, Ngih dak, Chính phủ ndrel ƀon lan bar dak. Di rnôk khâl, Thủ tướng Cuba mra rhơn ndơn Huân chương Hồ Chí Minh; râng nau ký ton nau tâm boh bar ding, râng tâm nchră nau kan tăch rgâl Việt Nam-Cuba; mâp rđau kan nkuăl ƀon têh Hồ Chí Minh ndrel du đê̆ nau kan êng./.

Nŭih rblang: H’Thi