VOV4.M'nông: Kêng măng 7/4, ta Nhih pah kan Chính phủ, Ƀan rđău đă Đăp mpăn, rnă njrăng mạng gưl neh dak (Ƀan rđău đă) ƀư rơh hop bôk năp, ta nâm nău ƀư tơm bah Thủ tướng Chính phủ Phạm Minh Chính, Kruanh Ƀan rđău đă. Lah ta rơh hop, Thủ tướng Phạm Minh Chính an gĭt, lam dak ntrôl dăng rgâl mbrô, rdâk njêng Chính phủ điện tử, rƀŏng tât chính phủ mbrô, nău rêh mbrô, jâng wăng sa mbrô, ƀon lan mbrô. Jêng, ân n'hao dăng mât uănh ngih dak; ƀư lôch jêh nău way kan; rđău đă tâm ban ŭch ntơm bah lơ tât tâm dâng; ntĭm nti nuĭh ƀon lan, doanh nghiệp ndrel râng; n'hao nău dơi kan công nghệ, prăk kaih, kon nuĭh gay đăp mpăn, rnă njrăng mạng, gay ƀư jêng ngăn ngăn gung trong, trong nchrăp bah Đảng, mât njrăng nău geh neh dak, rnoi nuĭh, nău geh bah nuĭh ƀon lan, doanh nghiệp n'hanh ăp mpôl kan geh tât. Ta rơh hop dja ăp nuĭh kan tâm Ƀan rđău đă hŏ rgum an nău rgop mpeh nô nău rnă njrăng, đăp mpăn mạng gưl neh dak tâm bah ri aơ n'hanh nchroh nô nău tâm let năp tay; an nău rgop mpeh lôch jêh nău kan năm 2021 n'hanh trong rƀŏng pah kan năm 2022; du đêt nkô̆ nău rgum tơm, trong kan têh jong khlay mpeh đăp mpăn, rnă njrăng mạng gưl neh dak./.

Nuĭh rblang: Điểu Thân