VOV4.M'nông: Ôi 6/9, ta Nhih pah kan Chính phủ Thủ tướng Chính phủ Phạm Minh Chính ƀư tơm rơh hop Chính phủ way ăp khay khay 8 n'hanh 8 khay năm 2022. Lah ta rơh hop, Thủ tướng Chính phủ Phạm Minh Chính lah rjăp, rơh hop dja geh 4 nkô̆ khlay: uănh năl nô nău khay 8 n'hanh 8 khay aơ, ntơm bah nê uănh năl, nchroh nô nău, n'gluh nău kan, trong nkra tâm di. Thủ tướng đă ân nchroh grêt dêh gay n'gluh nău kan trong nkra tâm di.

Thủ tướng đă, ăp nuĭh n'hao nuih  n'hâm dơn kan, rgum bôk rngok, nău tă ơm gĭt kan gay n'gluh nău rgop "Di, geh ngăn”, lăp sŏng tâm nkô̆ nău, rblang ăp nkô̆, lơn lah nkô̆ uănh lhơ, ntơm bah nê rhuăt luh nău tă ơm gĭt kan tâm let năp tay ƀư jăp lơn. Nô nău wăng sa rêh jêng kon nuĭh khay 8 n'hanh 8 khay bôk năm đăp mpăn tay n'hanh săk ntơr ta lĕ rngôch ăp trong kan. Ƀư njêng công nghiệp dâk hao tay ngăch. Tăch rgâl, rhŏ dŏng khuh n'gôr, dâk hao tay ngăch ta lĕ rngôch ăp n'gâng kan. Ăp nău kan mât chăm nuĭh dơi kơl, nuĭh ach o, nuĭh kan dơi an ƀư uĕh, geh nău tam./.

Nuĭh rblang: Điểu Thân