Ôi 5/5, ta Nhih pah kan Chính phủ, Thủ tướng Chính phủ Phạm Minh Chính ƀư tơm rơh hop Chính phủ way ăp khay khay 4 n’hanh 4 khay bôk năm 2023.  Khay 4 n’hanh 4  khay  bôk năm, Chính phủ, ăp n’gâng kan, ăp n’gor hŏ rôih tĭng ăp rnoh tât kan; kruanh rđău kan; nchŏng đă n’hanh an ƀư nău kan lĕ n’hâm suan, trong nkra hŏ ndơ̆ luh. Tâm rơh hop dja, ăp nuĭh kan tâm Chính phủ hŏ tâm nchră sŏng dăng n’hanh rgum tâm nô nău hun hao wăng sa rêh jêng kon nuĭh khay 4 n’hanh 4 khay bôk năm, trong rƀŏng, nău dơn kan tơm tâm khay 5 n’hanh let năp tay ndrel du đêt nkô̆ khlay êng ƀa ƀă mpeh n’gluh tơm prăk ntuh kơl, bôk nău kan dâk hao tay n’hanh hun hao wăng sa rêh jêng kon nuĭh, 03 bôk nău kan gưl neh dak.

 Lah n’glôch jêh rơh hop, Thủ tướng Phạm Minh Chính đă, rôih tĭng rnoh tât đăp mpăn wăng sa têh, mât kân hao khlay ndơ, ntrŭt ntrôl hun hao, đăp mpăn tâm ban têh bah  jâng wăng sa; ŭanh khlay tât ăp nkô̆ nău văn hóa, rêh jêng kon nuĭh; njrăng n’gang neh dak; rnă njrăng; n’hao dăng tâm boh dak bah dih, lăp rgum dak bah dih n’hanh ntrôl dăng nău lư, nkoch trêng, njêng nău tâm ban ŭch bah lam rêh jêng kon nuĭh. Rgum ntop kơl n’hanh ntrŭt ntrôl ƀư njêng tăch rgâl, 3 đăt ndal têh jong, 3 suan ntrŭt ntrôl hun hao, nta joi nău kan n’hanh joi geh trong rêh an nuĭh ƀon lan.