Nar ntri (16/9) ta Nhih pah kan Văn phòng Chính phủ, Thủ tướng Chính phủ Phạm Minh Chính hŏ ƀư tơm rơh hop đah Kruanh rđău kan ăp n’gâng kan geh tât, lăp jru uănh năl nô nău an ƀư Nghị quyết 36 mpeh hun hao wăng sa dak lêng Việt Nam jŏ jong tât năm 2030, uănh ngai tât năm 2045 n’hanh ăp nkô̆ geh tât khlay tâm Nghị quyết Đại hội XIII bah Đảng.

Nsing ta nău uănh năl jru, lam lĕ rngôch mpeh nô nău dak bah dih, nkual n’hanh dak lêng tâm ban kơt nău ŭch geh  hun hao bah neh dak  tâm nô nău mhe, Thủ tướng Chính phủ Phạm Minh Chính rđău đă ăp n’gâng kan n’hanh ăp n’gor geh tât let năp tay ân grêt dăch tĭng gung trong bah Đảng, trong kan pháp luật bah Ngih dak, tâm nê geh Nghị quyết Đại hội XIII bah Đảng, Nghị quyết 36 mpeh hun hao wăng sa dak lêng Việt Nam jŏ jong tât năm 2030, uănh ngai tât năm 2045; Nghị quyết 44 mpeh mât njrăng neh dak tâm nô nău mhe, lor nchrăp, nsrôih an ƀư geh nău tam  ăp ntil pah kan, geh nău dơi mhe khlay, ngăn ngăn lơn đŏng ta ăp ntil trong kan.