VOV4.M'nông: Ôi 27/4, ta Nhih pah kan Chính phủ, Thủ tướng Chính phủ Phạm Minh Chính ƀư tơm rơh hop tâl 2 bah Ủy ban Quốc gia mpeh rgâl mbrô. Rơh hop dơi ƀư pơk sŏng dăng tât 63 n'gor nkual  ƀon têh lam dak. Lah ta rơh hop, Thủ tướng Phạm Minh Chính lah rjăp, rgâl mbrô neh dak lah du nău dơn kan dŭt khlay, nkre đah 3 n'gâng tơm lah Chính phủ mbrô, jâng wăng sa mbrô n'hanh nău rêh mbrô. Đảng, Ngih dak, Chính phủ, Thủ tướng Chính phủ êng uănh khlay tât pah kan rgâl mbrô, rƀŏng tât Chính phủ mbrô, jâng wăng sa mbrô, nău rêh mbrô, ƀon lan mbrô. Thủ tướng đă ra tay nău way trong kan yor aơ lah 1 tâm 3 trong kan đăt ndal jêng ngăn ngăn nău way trong kan; kơi ntop, ƀư lôch jêh nău way trong kan geh ndơ dŏng công nghệ, lơn lah ndơ dŏng công nghệ thông tin, hun hao công nghệ mbrô, dŏng công nghệ mbrô; ân rgum dơi tơm ndơ; n'hao dăng tâm boh bah dih tâm trôm ngih dak, rgum nău rgop bah nuĭh ƀon lan. Nkô̆ nău ndơ̆ luh lah ân mât njrăng mhâm ƀư gay rgâl mbrô nkre uĕh mhe, nkre tâm di đah nô nău, jâng wăng sa, nău dơi kan; nkre n'hao săk blău tơm nuĭh kan./.     

 Nuĭh rblang: Điểu Thân