VOV4.M’nông: Lơ 21/8, Thủ tướng Chính phủ Phạm Minh Chính ƀư tơm rơh rƀŭn trực tuyến lam dak mpeh “N’hao nau kan mât chăm n’hâm soan ƀon lan; Nchrăp rdâng ân năn, rgop nau ndâk nsơm ngăch, hun hao nâp nâl”. Rơh rƀŭn geh ƀư tâm rgop nsum đah nau kan sŏng dăng tâm Ntŭk kan N’gâng kan dak si ndrel ntŭk ntoh ngơi bah UBND 63 n’gor, nkuăl ƀon têh tâm lam dak. Ntoh nau tâm nar rƀŭn, Thủ tướng đă cán bộ, nŭih pah kan dak si tâm lam dak lŏ ƀư ueh nau vay ơm ueh ang, ƀư săk tam ăp nau ntrŭnh, ntrong kan bah Đảng, nau ntrŭnh, pháp luật bah Ngih dak, ngăn lah ăp nau ntrŭnh 20, 21 mpeh nau mât chăm, n’hao n’hâm soan ân ƀon lan ndrel nau kan rnoh nŭih tâm rnôk mhe.

Thủ tướng lah rjăp, nau kan mât chăm n’hâm soan ƀon lan lah nau tơm bah N’gâng kan dak si, ton aơ kŏ lah nau kan bah lam ntrong kan chính trị. Ăp N’gâng kan, ntŭk kan ân geh n’hao nau rjăp đah N’gâng kan dak si, bah năp măt lah rklaih nau kan ndal kơt rvăt năp, ntuh kơl, trok dŏng prăk khám ndrel săm ji Bảo hiểm y tế, nau kan, kơl an đah cán bộ, nŭih kan bah Ngih dak si./.

Nŭih rblang: H’Thi