Jêh rnôk Tổng Bí thư, Kruanh dak Tô Lâm an ntrŭnh bah Kruanh dak săch an nău kan đah 3 Groi Thủ tướng n’hanh 2 Kruanh n’gâng kan, kêng măng 26/8, Thủ tướng Phạm Minh Chính lĕ ƀư tơm rơh mâp măt, mbah rhơn, jao an nău kan. Thủ tướng Phạm Minh Chính mbah rhơn đồng chí Nguyễn Hòa Bình, đồng chí Hồ Đức Phớc, đồng chí Bùi Thanh Sơn dơi săch ƀư Groi Thủ tướng Chính phủ; đồng chí Đỗ Đức Duy dơi săch ƀư Kruanh N’gâng Tài nguyên n’hanh Môi trường, đồng chí Nguyễn Hải Ninh dơi săch ƀư Kruanh N’gâng kan Tư pháp.

Aơ lah nău lap têh n’hanh lah nău kan jâk ma Đảng, Ngih dak nsing nơm jao an. Thủ tướng mpŏng ăp đồng chí mhe dơi săch mât uĕh nău dăng, nău blău pah kan, “tâm pă ndrel, nău njê” ndrel đah nsum mpôl Chính phủ mât uĕh lơn tay tâm rnglăp, tâm ban ŭch, kỷ cương, liêm chính, rgâl mĭn ƀư mhe, lôch uĕh ăp nău kan dơi jao; lĕ nuih n’hâm, rhŏ an Neh dak, rhŏ an ƀon lan.