VOV4.M’nông – Lơ 8/2, di nkah gĭt 92 năm nar ndâk njêng Đảng cộng sản Việt Nam n’hanh plơ̆ pah kan jêh rơh rlu Tết Nguyên đán Nhâm Dần 2022, Thủ tướng Chính phủ Phạm Minh Chính khâl n’hanh rhơn Tết cán bộ, nuĭh pah kan Ngân hàng Ngih dak Việt Nam n’hanh nău kan ngân hàng. Năm 2021 Ngân hàng Ngih dak Việt Nam lĕ an nău kơl ndruch trok rnon, dăp rgâl tay năm trok rnon, n’hŭch, mô sŏk prăk. Nklăp 600.000 rkeh nuĭh đah nkah rnon rlău 4 rmen prăk dơi mô sŏk, n’hŭch prăk kon an manh; n’hŭch, mô sŏk prăk rlău 2.500 rmen prăk trok rnon, an manh đah ntŭk kan dŏng nuĭh pah kan, nuĭh kan tă bah Ngân hàng chính sách xã hội... Năm 2022, nchroh mbơh wăng sa lam ntŭr neh n’hanh tâm dak jêr jŏt tay n’hanh jêr njrăng yor khuch bah srê Covid-19. Thủ tướng đă nău kan ngân hàng ƀĭt joet ngăch, tâm ban ăp ndơ kơl prăk kaih, mbơh ƀư săk rnglăy ăp trong ntop kơl rdâk nkra tay, hun hao wăng sa, ntop kơl nta an nuĭh ƀon lan n’hanh doanh nghiệp dơi gĭt dơh tơm prăk ngân hàng gay rdâk nkra tay n’hanh hun hao nkra njêng, tăch rgâl.

Nuĭh rblang: Y Sưng Phê Ja