Tâm kêng măng 28/11, ta ntŭk kan Chính phủ, Thủ tướng Chính phủ Phạm Minh Chính hŏ kuăl điện tâm nchră đah Thủ tướng Pháp Elisabeth Borne gay tâm nchră ăp nau kan n’hao nau tâm boh kan nsum Việt Nam-Pháp, ngăn lah tâm nau kan tâm boh văng sa, tăch rgâl, ntuh kơl, rƀŏng tât nkah 50 năm ndâk nau tâm boh nchră nau Việt Nam-Pháp ndrel 10 năm tâm boh kan nsum tâm năm 2023.

Bah nau tâm nchră, bar Thủ tướng lah rjăp nau tâm boh văng sa rgop nau khlay tâm nau tâm boh nau kan Việt Nam-Pháp, mbơh pă ndrel tâm nchră tât ăp nau kan tâm boh văng sa tơm tâm nau tâm boh bar dak, ngăn lah nau kan Trong loih đô thị Nhổn-ga Hà Nội, ơm leo tâm ntrong prêh ndrel lăp dŏng ƀư nau kan tâm dŭt năm aơ.

Thủ tướng Pháp Elisabeth Borne ntoh nau ŭch n’hao nau tâm boh đah Việt Nam tâm ăp nau kan văng sa mrô, ntrơn rgâl mrô, ntŭk ntu gung trong ndrel ngăn lah ŭnh nar ndâk ơm, tâm ban nau ntrŭnh tŏng, săk tam gay ma ndăn ăp nau kan têh bah rmôt kan tăch rgâl dah rŏng Việt Nam-EU (EVFTA). Thủ tướng Chính phủ Phạm Minh Chính đă pơk trong ân ăp ntil ndơ tăm tĭng yan bah Việt Nam geh tăch tâm Pháp, nkre lah đă Pháp ơm ƀư jêh nau tâm ton ntuh kơl EU-Việt Nam (EVIPA) gay  pơk nau nsôih ntrŭt dăng nau tâm boh ntuh kơl bar ding ndrel ntrŭt dăng Uỷ ban Châu Âu (EC) ơm doh rklaih luh bah nau tă geh tih đah tui ka Việt Nam./.