VOV4.M’nông-Ôi nar 28/8, Thủ tướng Chính phủ Phạm Minh Chính lĕ pah kan đah rnâng kan n’gor Ủy Lào Cai. Nău mbơh tơih ta rơh pah kan, Bí thư n’gor Ủy Lào Cai Đặng Xuân Phong an gĭt, Lào Cai lah n’gor dâk bôk năp rmôt 14 n’gor Trung Du n’hanh gôl yôk mpeh Bắc.

Nău ngăch hun hao wăng sa, hao mbro, râng geh lvang năm 1991-2021 geh bơi tât 10%/ñăm. Ntoh ngơi ta rơh pah kan, yơn hôm nha geh âk nău mô dơi kơt lah: Nău ntrŭnh n’gâng kan wăng sa hôm jê̆, nău ueh ngăch hun hao wăng sa mô hŏ nâp nâl; rgum lĕ rnoh ntuh kơl hun hao hôm nha đê̆, Thủ tướng đă n’gor an geh leo kan nsrôih n’hanh hun hao wăng sa ngăch, nâp nâl, mât nâp rnă njrăng ngih dak, rnă njrăng, mât nâp trong n’har bri an đăp mpăn tâm kơl n’hanh tâm rnglăp ntop âk ta nău ntrôl hun hao nău tâm rnglăp ueh way ơm đah bar dak, đah bar mpôl rnoi Việt Nam n’hanh Trung Quốc, rdâk njêng nkual mât njrăng ngih dak nâp nâl mpeh rnă njrăng ngih dak, rdâk njêng nkual njrăng, tâm kơl n’hanh tâm rlong mpeh wăng sa lam ntur neh têh hvi na nê̆ n’hanh săk rnglăy.

Nuĭh rblang: Thị Đoắt