Ta rơh tâm mâp, Thủ tướng Phạm Minh Chính rnê rơh tât khâl ngăn Việt Nam rơh bôk năp bâh kruanh n’gâng kan Manalo, lah na nê̆ Việt Nam way uănh khlăy n’hanh ŭch ntrôl nău tâm boh kan ndrel lĕ rngôch đah Philipines ăp nar lơ ma săk rnglăy n’hanh ngăn ngên.

Gay ma geh ndơ̆ tay nău tâm boh kan 2 dak an hun hao têh dăng nđâp mpeh nău têh hvi n’hanh nău kan jru. Tâm nĕ uănh khlăy n’hao tâm rgâl tâm mbơh nău kan gâl têh n’hanh ăp gâl, ntrôl nău mbơh tơih tăch rgâl wăng sa- tăch rgâl, mât đăp mpăn geh nău tâm kơl tăch rgâl phe, uănh n’hêl doh jăng ăp nău kŏ văk mô nă khlăy n’hanh tâm kơl mât đăp mpăn rnă njrăng ndơ sông sa, njêng nău tăch rgâl n’hanh ntuh kơl dơh nơih an ăp doanh nghiệp 2 ding, nsrôih geh rnoh prăk tăch rgâl đah 2 ding 10 rmen đôlar n’hanh ntrôl nău tâm kơl ăp trong kan geh nău dơi êng kơt wăng sa rnoh mbrô, wăng sa tâm pleh kan, wăng sa ueh nđir, ŭnh nar mhe njêng tay, rdâng đah rgâl trôk nar mih sial, njrăng ăp nău ta dak lêng, tâm kơl hun hao wăng sa ta dak lêng, rgâl mhe mĭn kan mhe, njêng nău kan mhe.