VOV4.M’nông- Ôi nar 3/4, ta ntŭk kan Chính phủ, Thủ tướng Chính phủ Phạm Minh Chính leo rơh rƀŭn nchră mpeh nău pă điện n’hanh nău pă sah ônh, khí an nău kan  ƀư điện. Ntoh ngơi ta rơh rƀŭn nchră, Thủ tướng Chính phủ Phạm Minh Chính lah na nê̆, điện năng lah ngoăy tâm 5 nău kan têh ma he an geh mât đăp mpăn gay ma ndâk nsơm ngăch n’hanh hun hao wăng sa rêh jêng nâp nâl. Tâm ba năp nơh, ndrel đah nău ŭch hun hao wăng sa rêh jêng, lôch rgâl rêh nsum đăp mpăn đah nuh srê Covid-19, ndâk nsơm, hun hao wăng sa rêh jêng, nău ŭch hun hao ŭnh nar, na nê̆ lah nău ŭch dŏng điện ta dak he dôl hao ngăch. Ta meng nĕ, nău pă an, rnoh khlăy ŭnh nar lam ntur neh geh âk nău rgâl. Ta rơh rƀŭn nchră, ăp groi Thủ tướng, ndơn kan an ăp n’gâng kan, ntŭk kan lĕ tâm nchră ndơ̆ mbơh nău nchroh lor, dăn đă ăp ăp ntrong kan gay ma ndâk nsơm nău jêr jŏt, ntul rlong, dăn đă tâm nău pah kan đah ăp n’gâng kan, ntŭk kan gay ma mât đăp mpăn điện kơl an hun hao wăng sa rêh jêng tâm let năp tay. Ntoh ngơi ta rơh rƀŭn nchră, Thủ tướng Phạm Minh Chính an geh mbơh ƀư trong kan gay ma mât đăp mpăn điện, ŭnh nar, nău kan tơm lah leo kan, tâm rgop, rgâl nkra an tâm di, săk rnglăy. Nkô̆ mpŏng ŭch lah mât đăp mpăn tâm di têh mpeh điện n’hanh ŭnh nar an tâm di nâp nâl.

        Nuĭh rblang: Thị Đoắt