Kêng măng 21/5, Thủ tướng Chính phủ Phạm Minh Chính ndrel rmôt kan ntoh măt rđau kan Việt Nam mhe lôch rơh hăn kan ta Nhật Bản. Tâm ê tât 3 nar, Thủ tướng hŏ ƀư tơm, râng nklăp 40 nau kan, geh ăp rơh rƀŭn gưl prêh G7 pơk hvi, ăp rnôk tâm mâp đah rđau kan Nhật Bản, ăp n’gâng kan, ntŭk kan tăch rgâl, băl bên bah Nhật Bản ndrel ăp nau tâm nchră, tâm mâp đah rđau kan ăp dak ndrel ăp ntŭk kan bah lam ntur neh.

Đah Nhật Bản, ăp nau tâm nchră bah Thủ tướng đah Thủ tướng Nhật Bản, rđau kan n’gor Hiroshima ndrel âk mpưm n’gâng kan bah Nhật Bản hŏ rgop nau n’hao prêh lơn nau rnơm chính trị, ntrŭt dăng nau tâm boh rjăp jru hvi Việt Nam-Nhật Bản. Thủ tướng Chính phủ Phạm Minh Chính kŏ geh ăp nau rƀŭn tâm mâp 2 ding tâm nuih n’hâm pơk hvi, sŏng dăng, nâp nâl đah ăp rđau kan G7, ăp dak năch jă, ăp ntŭk kan lam ntur neh gay tâm nchră ăp nau kan ngăn, n’hêl gay ntrŭt dăng nau tâm boh bar dinh ndrel n’hao nau tâm rgop tâm ăp nau kan ndrel uănh khlay./.